Hier is nu de Jeschichte von et Platt, awer ersch emal

janz korz miene! 

Nu laht uns mal anfängen. Dä Westerhieschen kenn mek ja fast alle. Ek hehte Karnär, op Hochdeutsch schprickt me dat "Körner, Werner Körner". Mien Vader war Schauster, alse war et Schauster Karnär. Nahn Krieje hät hai sek umme dä Dreschmaschine in Darpe kümmert, nu war et denn ebm där Dreschmaschinen-Schauster. Ek harre 3   Jeschwister und war där jüngeste. En Kinderjahrn jahf et damals nich, un sau bin ek denn bie Mutter un Oma eblem. Schpäder, nah dä Schaule, war ek jeden Nahmiddach bie mien Vader opm Dreschplatze. Ofte hewwe ek ok opm Fischbarje, dä Kuckucksklippe oder opm Kehschtahne schpehlt. Lankwielich war et nie dabieje. Ek hewwe dä Schaule ewwerschtahn, en Beruf elehrt, war 18 Monate bie dä Armee und bin dänn jedn Dach nahr Arbait ejahn. Wenn je mien Beruf wettn wolln - ek war Radiomechaniker, op Hochdeutsch: Radiofernsehtechnikermeister! Ek hewwe ok ne Familich mit Fruhe un 2 Kinder, dä sind ok schon lange wedder vorfriet und jeder het ok wedder 2 Kinder, alse alles sau, wie dat früher normal war! Nu bin ek inzwischen Rentner un hewwe Tiet for Sachen, dä mek Freude mahken. Platt hert op jeden Fall immer datau. Bie uns thus worre Plat eschproken, bie alle Nachbarn un ok bie dä Buhrn und Handwarker, dat wär janz normal for uns alle. Dat het awer inzwischen jewaltich nahe lahtn.

Ek sillewest bin innet Platt janz jut de Jange. Miene Fruhe vorschtaht et ohk, awer metn Schpräken het se sau ehre Probleme. Schon als Kind worre mät dä Klahn immer Hochdeutsch eschproken, ut dä Kinder solle doch mal wat Besseret währn!

Nu wettn ji, wer ek bin un ok, wo ek herkomme. Wai hemm uns mal informiert in dä ohln Karchenbäuker, unse Familien, alse dä von miene Fruhe und dä von mek sind schon sait etlichen Jenerationen hier in Darpe tu Huhs. Wai hehrn alse ok met taun ohln Isen!

Wai sind bade echte Westerhiesche, denn wai sind saujahr hier jeborn worn, hier in Darpe! Un dat scheene is, wai wohn noch hiete hier in Darpe, und at finne ek sau jut. Wai kenn fast alle älderen Liehe, jeden Barch un Bohm un jedes Beek.