Wo kimmt nu unse Platt aijentlich här?

Westerhiesch wart von dä Wissenschaft "Ostfählische Bodemundart" enennt. Ok dat Platt von Harschlewwe, Ditfurt, Quellborch un ok Barnecke sind in disse Schprachfamilie dabije. In et Platt harre Jeder Ort siene klahn Underschiede, awer in Jrohtn Janzen wahrn se sek ziemlich ähnlich. Alle hem sek vorschtahn, wenn se wollten!

Ek sähe immer - dat Platt vorschtaht me nich met dä Ohrn, dat vorschtaht me metn Harze!

Bis Lutter sien Biebel op Hochdeutsch eschrebm hät, jahf et südlich von Harze bloß noch Hochdeutsch un nördlich davon "Niederdeutsch", da wo dat Land nedrijer is. Sau etwa kamme sek dat marken. Met dä Bibel un dän Baukdruck worre dat Platt immer wennijer, ahwer - et lehwet hiete noch en bettchen! Dä Jrenze zwischen disse baden Schprachen löppt etwa knappe ewwern Harz quer dorch Deutschland. Dä is saujar op Karten in etaikt.

Ek hewwe hier emal en paar von dä Karten mit rin ebuht, wähne dat interessiert, der kann sek dä dorch dropdrücken vorjrötern un den besser ahnkucken.