Wat mahken wai hiete met unse Platt?

Wer et kann, der vortellt met jeden Westerhieschen, däne hai kennt, op Platt, dat is sau janz normal. Wat mek awer op efolln is, ettliche Wöhre sind ahnfach wech, et sind awer ok nieje datau ekomm.

Wat ok fast wech is, dat dä Ohln bien Vortelln dat "R" immer sau schene rullt hem, sau richtich schene rund. En paar kenn dat ja noch, ek sillewest müsste mek dat ersch ahnwähn!  Ek hewwe dat von klahn op immer sau janz hart eschproken, met Zäppchen dabie rullt, dä Ohl hem immer dä Tunge undern Jaum eholhn und denn worre et sau rund.

Sau ähnlich wart dat "R" woll bloß noch in dä Öwwerlausitz ut eschproken.

Seit Freujahr 2021 jifft et wat Niejes hier in Darpe. Unse Haimatvereinsmetjlied Helmut Zeitzmann hät en Plattschild jeschenkt ekrähn un in Darpe ahn ebuht.  Damet junk nu dat Janze los. 

Inwischen sind in Darpe ewwer 20 Schilder met unse Westerhiesche Platt beschtellt un ahn ebuht. Veele Liehe freun sek drewwer. Et is mal wat andersch hiete!

Wie et uhtsieht, ist disse Aktion noch nich vorbie! un wenn alles klappt, denn jifft et bahle noch wat anderes, niejes

Inzwischen hem wai under dä Schtratennamenschilder extra weke drunder sett, wo der selwe Name in Platt droppe schtaht, et war nich janz billich, awer et ist jut eworn.

Sait en 02.März wart nu jeder, der in Westerhusen rin fährt oder ut Westerhusen rut fährt, op Platt bejrüßt. Et hät lange durt, awer nu sind dä Schilder fartich!